《我的故事5》

上回講到我進入左「西西里家庭既心藏地帶 – 廚房！」

一入廚房，見到一位笑面迎人，眼神亦帶好奇既 Sicilian mamma，不難聯想係 Guido 阿媽。她不通英語，而我既意大利文亦係有限公司，但無阻她既健談好客，繼續用意大利文慢慢地跟我交談。當然Guido 變成左翻譯員，但他應該習以為常吧！當時，他成為 woofing host 亦已有一年來。

見到我努力學講意大利，Guido 阿媽亦份外熱情，開始分享佢正在預備既西西里午餐。佢指向檯上既一堆檸檬葉，問我：「hai assaggiato polpette alle foglie di limone? 」（有冇試過檸檬葉肉餅？）

我擰擰頭，Guido 阿媽開始講解呢個係西西里既食譜，Guido 見狀就插咀話，「Let’s go to the garden first before it gets too hot. 」

Guido 阿媽亦點頭示意，「Si，c’e troppo caldo ora. Vai，ci parliamo dopo. 」（係，真係好熱。我地一陣再傾。）

打左招呼，我就跟Guido 落果園。佢帶我行左一圈，介紹左十幾種樹。生於城市既我，又真係大鄉里，大部份都未見過。遊完果園，只覺得呢個唔係一般單一種植既果園，品種多樣性多到更似係植物公園 （Botanic garden），showcase 哂我想像到，同想像唔到既。

係果園快遊之後，我地停左係一棵綠葉飄飄既大樹。一粒粒紫紅色、晶瑩通透，似掛在樹上既寶石。然後我見到一行長梯依著樹幹，原來我既第一項任務係 – 摘桑果！

爬上長梯，眼望四方，尤如尋寶。以為手到拿來，但係一到手要摘下就發現手染紫紅。呢隻桑莓皮極為薄，稍一用力就會爆汁。所以要摘滿一盒250毫克，實不為易。但我仍樂此不彼，皆因漁人得利，我係樹上食過飽。一路摘一路食，不知時日，樹下忽然傳黎 「Lunch is ready！」不經不覺，原來 lunchtime 啦！

我記起「檸檬葉肉餅呀！」

《待續》

#我既檸檬葉肉餅
#我嘅故事
#西西里有機火山檸檬
#西西里小農直送
#trepunti
#gelatoconbrioche
#sicilianlemon