Category Archives: 是非西里

今次又講英國人，from Southampton 。一家三口，襯住3歲阿仔未入學，駕車環遊歐洲，見識下唔同既文化。 我不嬲都好想係個 farm 搞 education，人地既 slash job 係教英文呀ma，成日諗將小朋友帶入大自然學習，所以呢個3歲人仔就黎得岩。 每朝晨咁早就起身，佢晨咁早就蹦蹦跳。去到個 farm，阿爸阿媽要除草搬泥，阿B一開始有d怕污糟，但見到有昆蟲，佢就開始落手接觸泥土。 一路欣賞研究完昆蟲，一路就十萬個為什麼咁，「Why are they here? What do they eat? Where do they sleep? What if it rains??」仲要所有問題都係要用 Why黎問多次！😅 你係要有睇開 encyclopedia 先答到架😆，問到佢覺得satisfied，佢開始嫌你悶啦，佢就會走左去做玩第二樣野！ 佢係d車呀，iron man既小玩具當中搵左架 jeep，跟住係我地除緊草個度要砌條有 obstacle既跑道。又堆泥，又執石，加埋阿媽幫手就砌好條跑道啦！ 但好快佢俾Guido 手上既工具吸引，連架 jeep都唔理，去望住阿爸同 Guido討論用工具做d咩。佢地要掘坑放irrigation pipes。阿 B又真係幫手掘喎，但好明顯係掘草啦。 都係走番黎阿媽呢面，因為我地開始左種樹，都係種樹好玩d。一路種又開始十萬個為什麼， 「 Why do we plant tree? Why do we put fertilizer? Why the fertilizer is the food for tree? WHY? X1000 」 種到咁上下，放小食break。大家擺張 picnic mat，望住雪火山 Mount Etna，食住 Focaccia ，阿B又真係好開心喎！ After break，仲有 treasure hunt 玩添。Treasure hunt學英文😍😍，仲訓練埋平衡兼定向呀！ 其實香港爸媽都可以諗下俾仔女多d去田園郊外，去旅行走體驗路線，細路學到既野會超乎你想佢學既 lor ！從小係細路係大自走動，佢就唔會怕悶，唔怕辛苦。 *小插曲，揾 babysitter千祈唔好揾Guido。 阿B想玩工具啦，Guido就真係教佢「玩」。教佢用腳踩住個耙頭，個長柄就會彈起喎，Guido好勁咁完美示範，教識左得個1米既3歲阿B，阿B就照板煮碗，「BANG」，跟住「嘩」走返去阿媽度，原來阿B個頭食左一棒。poor baby😱 ，但轉個頭又走去跟住 Guido😵 《是非西里》 講完湊仔，就同對英國妻講其他。 係呀戊都知小農難做既情況下，佢咪問我地，「Are you self-sustaining? Where do you get your income? Who do you sell your products to?… 」大人版既十萬個為什麼。。。 我話，「我地仲未知今年 break 唔 break even架！其實Guido阿爸係教師，佢頭家唔係由塊田去維持，但係我同 Guido頭家就決定以農為生lor！」 佢問，「why did you choose to do so? 」 我話，「因為我地都唔想打工，想要比較自主既生活。Our bottom line is 有好野食。同埋我地唔太認同係大城市既某d價值觀，所以我地選擇以農田為我地生活既大本營。至少我地三餐食得好過城市人，生活既節奏自主過城市人。」 佢話，「You are right。 」 輪到我問，「咁你呢，點解會黎呢個 trip既？」 佢話，「之前我同老公係工作上各有各忙，甚至覺得大家可能唔能夠work落去，我地就係阿仔返學前take the chance去一齊travel。係呢一年，我地去左好多地方，做左好多野，but in less than a year，就會返 Southampton準備阿仔返學。會重新投入工作，睇下 how things work 。其實都有諗過去其他國家，I like Sweden particularly，我地會再 explore下，而家又 Brexit，Well, who knows if UK is still a sensible country to live in。。。😅 」 我話，「Sweden 好凍呀！」 佢話，「yeah, it is cold but we will be fine。Sweden既制度，同社區設施都好，而我地揾工都應該唔難。」 聽完，我又進入Hang機狀態，心諗起香港，「若果個個都走去個好d既地方，咁原來個地方咪冇人理 lor，但to seek for a better life又係人之常情喎！咁點呢？！」 或者係離開個地方之前，要做能力範圍以內可以改變既野掛，你地話係咪？！