不經不覺已經8年，但我一直都未講完呢個故事。。。
係2016年6月28日，我毅然飛到西西里，去尋找自主生活既國度。
其實，早在2014年深秋，我已經開始係香港了解農耕生活，試圖找到另類既生活方式。
在2015年，因為朋友既關係，在上水蕉徑有機會體驗開塈荒地做周未農夫，甚至係某階段有想法係農地同其他人建立社區，但好快我意識到要係香港過我嚮往既農耕生活，似乎唔係我能力所及。
到2016年3、4月，我就積極尋找到南歐洲農村體驗既機會。法國，及意大利都係我鎖定既目標。由於我小時學過法文，又曾經錯過到法國生活既機會，一直都有去法國既念頭；而我對意大利亦有好大既情意結，不但同我到意大利旅行既體驗有關，亦因為我既前任而令我對意大利有非常熟悉既感覺，甚至打算退休於意大利。
一開始我打算透過wwoof (world wide opportunity on organic farm) 呢個平台尋找機會。但要成為wwoofer，首先要揀左國家，再註冊畀年費。但係我仲未揀好法國、定意大利，所以我去左另一個平台，workaway。都係一年會費，但全球既打工換宿計劃都可搜尋。但有太多organic farm 以外既 project ，要多花時間搜尋。
Search: Europe>France/Italy>farm>permaculture
🇫🇷好快我就聯絡到一個種植超過50種蘋果既法國蘋果園女園主，我好想係試食50種蘋果呀（但我當時唔知蘋果係夏季尾、秋季初先開始成熟，我盛夏去無得食😅）；
🇮🇹跟住，我亦揾到Guido 係西西里既果園，一個種植超過80個品種既有機家庭式小果園，仲有 nonna （意大利祖母）同住。
如果兩個都歡迎我，點揀好呢？🤭🤭🤭
真係發夢無咁早！😆
🇫🇷法國蘋果園女園主回覆我，咁岩我想去果段時間，佢有個活動，所以不便接待。
🇮🇹Guido 亦話我想到步個幾日，因為鄰居要搞婚宴，又不便接待。不過，之後個禮拜就「應該」無問題。
咁。。。點好呢？
《待續》
#我嘅故事
#西西里有機火山檸檬
#西西里小農直送
#trepunti
#foodforest
#sicilianlemon